تبلیغات
تارنمای تخصصی کربلایی وحیدشریفی - شعرترکی برای فراق پدر
شعرترکی برای فراق پدر


کنز خلقتده اولان گوهر یکتادی آتا

گلشن معرفته بلبل شیدادی آتا

گوندوزی روشن ایدن گون کیمی کاشانه لری

گیجه لر ایوده اولان ماه دل آرادی آتا

سوزلری حکمت لقمانیدی اوغلانلارینا

نفس گرمی اولان چون دم عیسادی آتا

گئجه گوندوز سنه خاطر چالشورقدرینی بیل

گل بی خار محبت کیمی زیبادی آتا

قولاق آس سوزلرینه کسب ایله سن تجربه لر

امردنیایه نچون واقف و بینادی آتا

اوپ الیندن ایاقیندان تاپاسان جنته یول

دال دالان سایه سینه شاخه طوبادی آتا

ایلیورزحمت بسیاریله تامین  معاش

کمک ایله اونا نان آور تنهادی آتا

ئوزی آج قالماقینا راضیدی اماسنه یوخ

جان فدا ایلیه اولاده مهیادی آتا

مردمردانه یاپیش سنده قوجالساالینی

ضامن آخرت و زینت دنیادی آتا



طبقه بندی: اشعارمجالس ترحیم، شعرفراق پدر،
برچسب ها: شعرترکی برای فراق پدر،

تاریخ : چهارشنبه 1394/02/30 | 00:09 | نویسنده : ‫وحید شریفی | نظرات
.: Weblog Themes By VatanSkin :.